Ugetsu monogatari

«1953ko bitxiak» ziklo berezia

+ Flb KORTeN! Barkatu! (F) ∙ 2012 ∙ 9 min ∙ Zuz. Nicolás Ocio

Gonb.: Txus Retuerto

Kenji Mizoguchi. Zinemagile japoniarra (Tokio, 1898ko maiatzaren 16an - Kioto, 1956ko abuztuaren 24an). Berrogei film baino gehiago egin zituen zinema mutuaren aroan –Ai ni yomigaeru hi (Maitasuna itzuli zen eguna, 1922) eta Gaijo no suketchi(Kaleko argazkiak, 1925) besteak beste–, ariketa moteletatik hasita lan biribilak lortzeraino. Gerraondoko lehen lan nagusia Utamaro o meguru gonin no onna (1946, Utamaro eta zazpi emazteak) du. Laurogeita hamar film luze egina izan arren, Mizoguchiren lana ez da Mendebaldean oso ezaguna, Veneziako Mostrak zabaldurikoa izan ezik: Saikaku ichidai onna (1952, O-haruren bizitza, emakume adeitsua); Ugetsu monogatari (1953, Ilargi zurbilaren ipuinak) edo Sansho dayu (Sansho ugazaba, 1954). Istorio melodramatikoak filmatu zituen, eta emakumezko pertsonaien aldera jaidura berezia erakutsi zuen. Estilo barroko eta zaindu baten jabe, Mizoguchi zinema japoniarraren maisuetako bat da eta Kurosawa, Ozu, Kobayashi eta Narusekin batera, leku berezia dauka Japoniako zinemagintzan.