top of page
Image-empty-state.png

The Party

Blake Edwards (Tulsa, Oklahoma, 1922 – Brentwood, California, 2010) zinemagile estatubatuarra eta zinema historiaren pelikula ospetsu batzuen egilea. 2004an Ohorezko Oscar saria eman zioten, bere ibilbide profesionalari aitorpena eginez. Urrezko Globoetan zuzendari onenaren saria eskuratzeko izendatu zuten Edwards, Ardo eta arrosa egunak (1962) lanagatik.


Ahaztu ezin diren Breakfast at Tiffany's (1961), The Great Race (1965) eta Peter Sellersekin egindako The Party (1968) pelikulekin batera, Pink Panther (1963) arrakastatsua ere zuzendu zuen. Pantera arrosaren itzulera (1975), Pink panther strikes again (1976), Revenge of the Pink Panther (1978), Trail of the Pink Panther (1982), Curse of the Pink Panther (1983) eta Son of the Pink Panther (1993) iritsi ziren ondoren.


Julie Andrews aktorearekin ezkonduta zegoen, eta Darling Lili (1970), 10 (1979), S.O.B. (1979) eta Victor Victoria lanetan berarekin egin zuen lan.

2082 SAIOA - 2012/1/10 THE PARTY · AEB · 1968 · 99 min. Zuzendaritza: Blake Edwards · Gidoia: Blake Edwards, Tom Waldman eta Frank Waldman · Argazkia: Lucien Ballard · Muntaketa: Ralph E. Winters · Ekoizpena: Blake Edwards / The Mirisch Corporation · Aktoreak: Peter Sellers, Claudine Longet, Marge Champion, Fay McKenzie, Gavin McLeod
bottom of page