Ramona

+KORTeN!: Txotxongiloa. Sonia Estevez.  EH, 2022, 10’. Ani.

Gonb.: Andrea Bagney, Sonia Estevez

Zuzendari eta gidoilari honen lehen film luzea; izaera minimalista du, zinema independentearen mundutxoan girotutako zinema independentea.

Ramonak aktore izan nahi du, eta aldi berean ama; hala, Madrilera joaten da bere bikotekidearekin, eta aurreneko desioa betetzen du, Lavapies auzoan bizitzea. Casting batera joan bezperan, Bruno ezagutzen du taberna batean, gizon heldua bera, eta bat-batean konektatzen du harekin. 

Biharamunean, ikusiko du filmeko zuzendaria dela eta rola eskuratzeko aukera handia duela.

Ramonari zuzendariak ondo ezagutzen dituen gorabeherak gertatuko zaizkio: aktoreen hautaprobak, filmotekan gelditzea, kopa bat hartzera joatea... eta hori guztia zuri-beltzeko Madril batean.

Elkarrizketa eta interpretazio freskoak; beharbada, erdi inprobisatuak, non erabaki okerrak hartuko dituen emakume zalantzati eta ameslari bat agertuko baitigute, uneoro ikuslearen interesa piztuta edukiz.