La bête

Gonb.: Juan Zapater

Emozioak mehatxu bilakatu diren etorkizun hurbilean, Gabriellek bere DNA purifikatzea erabaki du, eta horrek bere aurreko bizitzetara eramango du, sentimendu orotatik askatuz.Orduan, Louis ezagutuko du eta lotura indartsua sentituko du, beti ezagutu izan balu bezala.Istorioa, zenbait zentzutan, Henry Jamesen lan batean (La bestia en la jungla) oinarrituta dago, eta hiru alditan garatzen da: 1910ean, 2014an eta 2044an.

1910ean patuak uholde handiak ekartzen ditu, 2014an kapitalismo alienatzailea bi pertsonaien artean trabatzen da eta 2044an etorkizun distopiko bat erakusten digu, non adimen artifizialak mundua gobernatu eta pertsonak maneiatzen dituen.

Antzinako drama, distopia futurista, melodrama erromantikoa, suspense sexuala, hutsalkeria eta diskotekak, dena batera.Interpretazio bikainak eta errealizazio arriskutsua, baina eraginkorra.