Ixcanul

Bilbon estreinaldia

María, 17 urteko gazte kaqchikel, gurasoek bizi eta lan egiten duten finkako langileburuarekin ezkontzera behartuko dute. Guatemalako nekazalgo giroko drama sakona, non klasismoak, superstizioak eta akulturazioak bereak egiten dituzte. María gazteak ez daki zer egin bizitzak eskaintzen dizkion proba eta trabekin, gurasoengandik jasotako bizitza tradizional latzarekin jarraitu, edota ezer dakien sumendi atzean dagoen bizimodura salto egin. Planoen edertasunek, istorio latz eta dramatikoarekin kontrastatzen dute, bizimoduaren deskripzio bisual hunkigarriak erakutsiz. Jayro Bustamante (1977), zuzendari guatemaltar gaztearen lehenengo luzemetraia da. Guatemalan, Parisen eta Erroman ikasi eta gero, taxuz eta sentsibilitatez zuzendu du lan bitxi hau. Aktore ez profesionalak erabiliko ditu eta maia hizkuntzaz egindako lehen filma da.