A portuguesa

Gonb.: Acacio de Almeida (arg.), Marie Carré (akt.)

Filma Robert Musil-en ipuin batean oinarritzen da; 1923an idatzi zuen eta Erdi Aroko istorio bat kontatzen du: Lord von Ketten Portugalera doa ezkontzera, eta Trentora itzultzen da emaztearekin eta segizio garrantzitsu batekin; emaztea gaztelu batean jartzen du, eta bera borroka eremura joaten da Apezpikuari aurre egitera. Eta denbora igarotzen da...

Kontakizuna kuadro eder bizidunen segida batek darama aurrera; horien eszenaratzea asko zaintzen da eta erritmo mantso batekin, kontenplatzeko gonbita egiten du.

Elkarrizketa gutxi eta poetikoak erabiltzen ditu, gerrak, monarkiak, eliza, boteretsuak eta abar kritikatzeko eta mezu feminista bat helarazteko.