(Azpeitia, Gipuzkoa. 1945 – xx. 2016)

Herriko eskolan hasten ditu ikasketak, eta, geroago, Miserikordia eskolan jarraitzen du. Jose Antonio Agirreren familiakoa da (Kontxuren aita, Felix Odriozola Agirre azpeitiarra da). Peñaflorida Koruan (Azpetia) sartzen da.

Bere aitak, margolari eta marrazkilariak, Azpeitiko antzerki talde amateurrei laguntzen zien, eta Kontxu entseguetara joaten zen, zaletasun eta jolas bihurtuz. Zinemazalea ere bazen, eta koadrilarekin joaten zen parrokiako zinemara. 14 urterekin Antonio Amondarainen 'Uste diñat!' antzezlanarekin antzerkian debuta egin zuen.

Aitak antzerkiarekin animatzen bazuen ere, bere amak Magisteritzara bideratu zuen, gero, 17 urtez andereño izan zen Errenteria eta Azpeitiko ikastoletan. Geroago, Donostiako Axular Lizeoko irakaslea. Bere batua-ren defentsak arazo batzuk sortu zizkion bere herrian. Irakaskuntza eta antzerkia uztartzen ditu, baita irratisaio antzeztuak ere.

1981ean, Xabier Letek bikoizketa eskola ireki zuen Donostian, eta Kontxuk bertan parte hartu zuen ikasteko. Garai hartan, Eusko Jaurlaritzak (Kultura Saila) Antzerti - Antzerki Eskola (1983) sortu zuen, euskal antzerkia bultzatu eta sustatzeko asmoz, eta bertan sartu zen bere benetako afizio-pasioa aztertzeko.

La conquista de Albania (Alfonso Ungria. 1983), eta handik gutxira telebistan Bai Horixe! hezkuntza programarekin (ETB. 1985-1988), non aktoreez gain, pertsona herrikoiek parte hartzen dute. Anjel Lertxundirekin lan egiten du Hamaseigarrenean aidanez film ertainean (1985, Lertxundiren beraren izen bereko eleberrian oinarrituta), edo Julio Medemekin Las seis en punta film laburrean (1987). Zineman jarraituz, Amor Light (Begoña Baena, Juan Luis Mendiaraz. 1987) film laburrean ere lan egiten du, baita Crónica de la Guerra Carlista, 1872-1876-n (Jose Maria Tuduri. 1988) ere.

Edozein hedabidek balio dio komunikatzeko eta antzezteko: irratia, zinema, telebista edo antzerkia. Mikel Garmendia, Elena Irureta eta Jose Ramon Soroizekin batera ‘Ama begira zazu' (Eneko Olasagasti. 1989), antzezlana estreinatzen du, euskarazko antzezlanen dekanoa.

ETBrako berriz ere, Flamingo Berria-n parte hartzen du (1992-1994, telebista saioa, Martxelo Otamendi, Ramon Barea, Felipe Loza eta Joanes Urkixoren gidoiarekin, show-a eta komedia nahastuz). Eta 1994an izango da, Goenkaletelesailarekin (ETB. 1994-2015), María Luisa Galardiren rolean garrantzi handiagoa hartzen duenean. Médico de familia (1996) seriean ere parte hartzen du.

2006an Zirgariak(Fernando Bernal [Ferber]) filmean lan egiten du, XIX. mendearen amaieran (Karlistaldien ondoren) zirgariek egindako lanari buruzko film ertain bitxi bat. 2008an bere Ibilbidearen Saria jaso zuen (Euskal Aktoreen Batasuna).

Telmo Esnalekin Amona putz! (flb. 2009), Urte berri on, amona! (2011), PreZINEBI·2012an bisitatzen gaituarekin, eta Hamaiketakoa (flb. 2012).

2016an hil zen, bere maitasuna ondare gisa utzita. GOIAN BEGO.

Fasera bisitak:

2113 Saioa     2012/11/13   Urte berri on, amona! (IV. PreZINEBI, Teatro Campos, Sala Cúpula)