Jean Rouchen itzala nabarmena da hura bezala antropologo eta zinemagilea den Éliane de Latourren ibilbide osoan zehar. Gainera, de Latourrek kamera hartu aurretik eta ondoren ere landa-lana barnetik ezagutu zuen, Boli Kostan. 1984. urteaz geroztik dokumental etnografikoak egin ditu, ibilbide akademikoa sekula baztertu gabe: haren kasuan berezia da bere lana pixkanaka fikziozko zinerantz hurbildu izana. Berez, Éliane de Latourren pelikulak giza-itxialdiaren eta hiriko marjinalitatearen inguruko ikerketa lan oso baten irudikapena baizik ez dira.