Medikuntzan lizentziaduna Zaragozako Unibertsitatean, Ana Díezek 1986an hasi zuen bere ibilbidea, Elvira Luz Cruz: pena maximadokumentalaren zuzendarikide eta gidoilarikide gisa. Dokumental onenaren Ariel saria jaso zuen, eta Diosa de Plata dokumental onenaren. 1987an Ander eta Yulen zuzendari eta gidoilarikide izan zen Ángel Amigorekin eta Ángel Fernández Santosekin batera, 1990ean Zuzendaritza Berri Onenaren Goya saria jaso zuena. Era berean, Trenbide Museo Nazionalean ikusgai dauden trenbidearen historiari buruzko hainbat bideoren zuzendaria da.

1997an Todo está oscuro zuzendu zuen eta 1998-2000n La Mafia en La Habanafilm luze dokumentalaren gidoilarikide eta zuzendaria izan zen. Hurrengo urtean Neska batzuek hankak tolesten dituzte hitz egiten dutenean/Algunas chicas doblan las piernas cuando hablan zuzendu zuen.

Ana Díezek Viridiana Fundazioan (gidoien tutoretzan, Gidoi Zinematografikoaren Idazketa Masterrerako, Madrilgo Unibertsitate Autonomoarekin batera garatzen duena) eta Madrilgo Unibertsitate Konplutentseko Informazio Zientzien Fakultatean (gaur egun Ikus-entzunezko Komunikazio eta Publizitate Saileko irakaslea da) txandakatzen du bere irakaskuntza-jarduera.

Era berean, free-lance gisa ere lan egiten du Canal+ España-n.