(Bilbao. 1976)

Ikus-entzunezko Komunikazioan lizentziatua (EHU. 2000). Urte batzuk geroago Masterra egin zuen Bigarren Hezkuntzako Irakasleetan (Alfonso X El Sabio Uni., Madril), eta Masterra Kulturaren Kudeaketa eta Artearen Historia (Oberta Kataluniakoa Uni., Bartzelona. 2021-2023).

2001az geroztik, María Ibarretxerekin batera, Sra Polaroiska bikote artistiko eta sortzailea sortu zuen. Horren bidez, instalazio koreografikoetatik hasi eta filmak, performanceak edo site specific-ak egiten ditu mundu osoan zehar (‘Akziozko artearen, sorkuntza eszenikoaren eta koreografikoaren inguruko ikus-entzunezko lana. Beste espazio eta hizkuntza batzuen bilaketan oinarritua, non gorputza eta bere espazioarekin duen harremana beti protagonista nagusia den’). Sra Polaroiska-rekin hainbat sari irabazi ditu: Nafarroako Ikus-entzunezko Sorkuntzaren Jaialdiaren Aipamen Berezia (Iruña-Pamplona. 2001), edo INJUVE Ikus-entzunezkoen Lehen Saria (Espainako Kultura M. 2003), edo Gure Artea·2017 (sorkuntza eszeniko eta koreografikoaren mundutik gertu egindako lan artistikoagatik), besteak beste.

2007tik aurrera ere, 5 urtez, doku eta spot-en errealizadore gisa lan egiten du K2000-rako. 2014an, Elssie Ansareo mexikarrarekin batera, (Preposición) La habitación dokumental-mediometrajea zuzendu zuen (Cine Invisible/Film Sozialak, Bilbo. 2014 sariduna). 2016an eta 2017an New Media Euskadi-rako Origen eta La imagen de mi vida (etb2) saioen errealizadorea da.

Sra Polaroiska-rekin ZINEBIren Inaugurazio eta Amaiera Galak egin zituzten (2017-2021). ZINEBIko Hautaketa Batzordean ere parte hartzen du 2019tik.

Era berean, 2017tik Zinegoak Zinemaldiko (Bilboko LGTBI+ Zinema eta Arte Eszenikoen Lehiaketa) zuzendaritza-taldeko kide da, eta 2021ean Zinemaldiko Zuzendari Artistikoa izendatu zuten, horren ardura hartu zuen lehen emakumea, eta ‘jaialdia mantentzeko eta aberasteko, sexu-, identitate- eta genero-aniztasunaren alde egiten duen beharrezko lanarekin’, borrokan jarraituko du.

Fas bisitak:

2497 Saioa     2023/06/13    20.000 especies de abejas   (Zinegoak)